1.  Wie der Schimmel am Lebn is gwen,
habns ihm nix z’fressen gebn,
tradera, hollera, hollera, hollera.
Wie er na tot is gwen,
habns ihm an Schippel Heu no gebn,
net dass d’ Leut sagn,
zwegn der Not is der Schimmel tot.

2.  I weiß net, i hab mit da Arbeit koa Freud,
tradera, hollera, hollera, hollera.
Denn grad mit der Arbeit versäumt ma die Zeit,
aber net dass d’ Leut sagn,
zwegn der Not is der Schimmel tot.

3.  Wir redn net vom Hunger, wir redn net vom Durst,
denn wenn ma koa Brot habn, dann ess ma a Wurst.

4.  A paar junge Madl, sans reich oder arm,
die gfalln ma viel besser wie der schönste Gendarm.

5.  ’s hat mancher an Kopf, der wird alle Tag frisiert,
den Kopf hat er bloß, dass er ’s Kravattl net verliert.

6.  Viele Häuser die krachen, tut ein Erdbeben sein,
in München falln d’ Häuser ohne Erdbeben ein.

7.  Ein geräuschloses Pflaster, hat’s gheissen, muss her,
dann kriegn unsere Pferd keine Hühneraugen mehr.

8.  Die Schwiegermütter und Bandlwürm, de rührn sich spat und fruah,
so lang ma net an Kopf dawischt, so lang gebns koa Ruah.

9.  An den größten Ochsen is ’s beste Fleisch dran,
doch gibt’s große Ochsen, die man net genießen kann.

10. A Flohtheater freut mich, das seh ich so gern,
die Schauspieler kommen meistens von der Kasern.

11. In München wollns gründen an Jungfraun-Verein,
wo müssen die früher eingsperrt gwest sein?

12. Elektrizität möcht gern d´Dampfkraft vertreibn,
da liegt ma nix dran, wenn nur  d´Dampfnudeln bleibn.

13. Neulich hat einer gheirat, der hat so dumm gschaut,

von der Gummifabrik war sei halberte Braut.

14. In Paris san die Kinder mitm Verstand weit voran,

weil dort a jeds Kind schon französisch redn kann.

15. A Floh und a Fliegn san all´ zwei net leicht z´kriegn,

aber a Fliegn und a Floh, ja zum kriegn san s´halt do.

16. Am Land draußt ist ´s grad so wie in der Stadt,

dass der dümmste Bauer die größten Erdäpfel hat.

17. Alle Zimmer werdn ausgweisst oder werdn tapeziert,

nur d´Frauenzimmer net, die werdn a so a bissel angschmiert.

18. Aber i trink koa Wasser, i kanns net vertragn,

mir wachseten Schwamm´rling und Brunn´nkress im Magn.

19. Meiner ganzen Verwandschaft ihre Köpf, die san echt,

drum mein i halt allweil, der Darwin hat recht.

20. D´Berliner, die kennt man, da brauch man net fragn,

warum - denn es kann kaner "Loabidoag" sagn.

21. Die Straßen in München habn ´s ganz Jahr koa Ruah,

oa Loch machens auf und des andre machens zua.

22. Die Uhr schlagt die Stund und der Jaga sein Hund,

das Herz schlagt im Leib und der Bauer sein Weib.

23. Im Winter gibts Kletzen, im Sommer gibts Birn,

die allerschönste Arbeit is´s Privatisiern.

24. I kann nimmer singen, mein Hals wird mir sperr,

a andermal sing ich Ihnen wieder a bissel mehr.