Volkssängerei

1.  Und i bin a schöns Maderl vom Land,
bin Gott sei Dank guat beieinand.
Ja, in mein Sonntagsgwand
bin i elegant,
d’ Leut redn untranand,
i wär überspannt.
D’ Leut, de habn gar koan Verstand,
die können mich allsam mitnand.

2.  Und ’s Deandl mit der blauen Blusn,
mit dera tu i am liabstn schmusn.
Ja, in der blauen Blusn
hat sie einen Busen
und an diesem Busen
tu i so gern schmusen.
’s Deandl mit der blauen Blusn,
mit dera tu i am liabstn schmusn.

3.  Mei Muatter hat am Kopf hint an Schopf
und an diesem Schopf hats an Zopf.
An Kropf hats hinterm Kopf,
hint am Kopf an Schopf
und am Schopf an Zopf
und an Zopf am Kopf.
Und mei Muatter hat alles am Kopf,
an Kropf und an Schopf und an Zopf.

4.  Und da Vata hat neulings da Dirn
a Birn auffigworfa aufs Hirn.
Ja, jetza tut der Dirn
’s Hirn weh vo da Birn,
denn a so a Birn
gspürt ma auf der Stirn.
Drum wirft da Vata da Dirn
koa oanzige Birn mehr aufs Hirn.