Des boarische Bier
von Michl Huber
1. Grüaß Gott, es liabn Leitln,
mir habn euch was gebracht,
was mir uns in da Fremd drauß
zusammen habn gemacht.
Es is a neues Liadl
mit an frischen Humor,
es klingt oan ja beim Singa
ganz boarisch ins Ohr.
Überalln is uns guat ganga,
nur oanes gfehlt hat mir:
Des war des guate, echte, gsüffige,
gschmackige, ewige, boarische Bier.
2. Der Wein, der stärkt die Glieder,
der Schampus steigt an Kopf,
der Punsch, der wirft di nieder,
der Schnaps nimmt di beim Schopf,
der Tee, der macht oan Hitzn,
der Kaffee, der regt oan auf,
aufn Glühwein muaß ma schwitzn,
koa Wasser mag ma drauf.
Auf alle die Getränke
recht gern verzichten wir:
Bringts uns a Masserl guates, echtes,
gsüffiges, gschmackiges, boarisches Bier !
3. Und wenn der Altboar krank is,
na liegt er halt so drin,
er will ja gar nix wissen
von oana Medizin.
Er bringt’s halt nicht hinunter,
es passt net in sein Magn,
weil er scho so viel gsuffa hat,
ko er nix mehr vertragn.
Wenn er amoi im Sterbbett liegt,
ruft er noch voll Begier:
Bringts ma an Eimer guates, echtes,
gsüffiges, gschmackiges, boarisches Bier !
