A Bier will i habn
von Carl Lorens
gesungen von August Junker
1. Wia i das Licht der Welt erblickt hab, war a große Hetz,
da hams, weil i so durschtig war, ois in Bewegung gsetzt.
Mei Muatta hat mi druckt an d’ Brust, a Amme woidns hoin,
des alles hat bei mir nix gnutzt, i hab was anders woin.
„I mog koa Milli“ hab i gschriahn,
„duats mi glei in a Wirtshaus führn!“
Ref.
Denn nur a Bier, nur a Bier, nur a Bier will i habn,
sonst hau i alles zamm, sonst hau i alles zamm.
Nur a Bier, nur a Bier, nur a Bier will i habn,
sonst hau i alles zamm, sonst hau i alles zamm.
2. I war moi gfährlich krank, bin kumma ins Spital,
der Herr Professor, der hat gsagt: „Des is ein ernster Fall,
der muss genau behandelt werdn, a richtigs Phänomen.“
Doch alles war da umasunst, mir huift koa Medizin.
Bringts mir an stoanan Masskruag her,
de Krankheit finden, is nicht schwer.
Denn nur a Bier ...
3. Erst kürzlich hat ma dramt amoi, dass i im Himmi war,
vorm Herrgott bin i gstandn und um mi die Engelschar.
Mit Milch und Honig habn sie mich im Himmel regaliert,
auch Nektar und Ambrosia habn d’ Engel mir serviert.
Zum Herrgott hab i gsagt: „I dank,
habt’s denn herobn koan Bierausschank?“
Denn nur a Bier ...
